Annwyl Ofalwr,

​

Gobeithio eich bod yn cadw’n iawn mor bell ag sy’n bosib yn ystod y cyfnod hwn. Gwyddom fod llawer o Ofalwyr yn poeni am eu hanwyliaid mewn perthynas â’r Coronafeirws.

Mae Credu’n parhau i gefnogi Gofalwyr Ifainc ac Oedolion sy’n Ofalwyr gyda’r hyn sy’n bwysig iddyn nhw, er bod hynny’n digwydd mewn ffyrdd gwahanol.  Gweler isod dolenni at fanylion cyswllt y cymorth yn eich ardal chi.  Mae gennym dudalen Facebook: www.facebook.com/creducarers a bydd gan eich gweithiwr estyn allan lleol dudalen ar y we hefyd.

Croeso ichi gysylltu â ni ynghylch unrhyw beth sy’n bwysig ichi ar hyn o bryd, boed yn:

​

• Gymorth neu wybodaeth / pryderon yr hoffech eu trafod

• Eisiau rhoi cymorth a gwybodaeth i Ofalwyr eraill

• Awyddus i rannu syniadau ynghylch sut y gallwn roi gwell cefnogaeth i Ofalwyr a’u teuluoedd yn y cyfnod hwn. Gall olygu syniadau ymarferol iawn fydd yn cadw pobl yn ddiogel ac yn iach, neu syniadau hwyl i helpu pobl i ddal ati wrth ynysu.

Yn ogystal â chefnogi pobl mewn trafferthion difrifol, mae Gofalwyr a gweithwyr estyn allan yn awgrymu ffyrdd amrywiol i gefnogi ei gilydd yn ystod y cyfnod hwn.  Mae rhai Gofalwyr Ifainc yn rhannu heriau hwyl ar gyfryngau cymdeithasol; mae Oedolion eraill sy’n Ofalwyr yn ystyried sefydlu côr ar-lein, neu gysylltu â Gofalwyr mewn sefyllfa debyg dros y ffôn neu drwy gyfryngau cymdeithasol.

​

Mae cymunedau a sefydliadau’n gweithio mewn ffordd mor rhagweithiol ar hyn o bryd;  mae pawb llawn ysbrydoliaeth a hyder y bydd y rhan fwyaf o bobl yn derbyn y cymorth sydd ei angen arnynt, er ein bod wrth gwrs, yn bryderus yr un pryd.

Eto, os oes gennych unrhyw gwestiynau, pryderon neu os hoffech drafod unrhyw beth, croeso ichi ffonio.

Gyda chofion cynnes,

​

Pawb yn Credu